Արփինե Սարգսյանին ասյուհետ կսպասարկի 125 հազար դոլարանոց նոր մեքենա

ՀՀ ներքին գործերի նախարար Արփինե Սարգսյանին այսուհետ կսպասարկի 125 հազար դոլարանոց նոր մեքենա։

Կառավարությունը հաստատեց համապատասխան որոշումը։ Նախագծում նշվում է, թե նախարարին ներկայում սպասարկող մեքենան 2014 թվականի է և մաշվածությունը հավելյալ ծախսեր է առաջացնում։

«Տրանսպորտային միջոցի վազքն արդեն գերազանցել է 350․000 կմ-ն և ներկայում այն դարձել է սպասարկման համար վտանգավոր և ոչ հուսալի։ ՆԳ նախարարը նաև Անվտանգության խորհրդի անդամ է և վերջինիս անվտանգության նկատառումներից ելնելով՝ անհրաժեշտություն է առաջացել հնարավորինս սեղմ ժամկետում ՀՀ ներքին գործերի նախարարի սպասարկման համար ձեռք բերել նոր տրանսպորտային միջոց»,– ասված է նախագծում։

Կառավարությունը որոշել է ՆԳ նախարարության շենքային պայմանների բարելավման համար նախատեսված գումարներից 48 մլն 400 հազար դրամ վերցնել և տրամադրել մեքենայի գնմանը։