Ռուսաստանը վերահսկում է Ուկրաինայի տարածքի մի մասը. Ռյուտեն
Ռուսաստանը վերահսկում է Ուկրաինայի տարածքի մի մասը. դա պետք է լինի փաստացի ճանաչում, այլ ոչ թե դե յուրե քաղաքական ճանաչում: Այս մասին ABC-ին տված հարցազրույցում հայտարարել է ՆԱՏՕ-ի գլխավոր քարտուղար Մարկ Ռյուտեն։
«Նախագահներ Դոնալդ Թրամփի և Վլադիմիր Պուտինի միջև Ալյասկայում անցկացվելիք հանդիպումը ստուգում կլինի Պուտինի համար, թե որքան լուրջ է նա մտադրված այս սարսափելի պատերազմին վերջ դնելուն:
Խոսքը Ուկրաինայի տարածքի մասին է։ Խոսքն, իհարկե, անվտանգության երաշխիքների մասին, բայց նաև այն բացարձակ անհրաժեշտության մասին, որ ճանաչենք՝ Ուկրաինան ինքն է որոշում իր ապագան, որ Ուկրաինան պետք է լինի իր աշխարհաքաղաքական ապագան ինքնուրույն որոշող ինքնիշխան պետություն, իհարկե, առանց որևէ սահմանափակման իր զինված ուժերի չափի վերաբերյալ։ Իսկ ՆԱՏՕ-ի համար՝ առանց որևէ սահմանափակման մեր ներկայության վերաբերյալ արևելյան թևում:
Հարցն այն է՝ ինչպես գործել հրադադարից հետո, այդ թվում՝ ինչ է դա նշանակում Ուկրաինայի անվտանգության երաշխիքների առումով: Երբ խոսքը վերաբերում է այս ամբողջ տարածքային հարցին, երբ խոսքը վերաբերում է, օրինակ, ապագա համաձայնագրում, այն ճանաչմանը, որ Ռուսաստանը փաստացի վերահսկում է Ուկրաինայի տարածքի մի մասը, դա պետք է լինի ճանաչում, այլ ոչ թե դե յուրե քաղաքական ճանաչում»- ասել է Ռյուտեն։
