Հնդկաստանն իր աջակցություն է հայտնել Հայաստան–Ադրբեջան հարաբերությունների կարգավորմանը
Հնկաստանն աջակցություն է հայտնել Հայաստան–Ադրբեջան հարաբերությունների կարգավորմանը
ՀՀ ԱԳ նախարար Արարատ Միրզոյանն ու Հնդկաստանի ԱԳ նախարար Սուբրամանյամ Ջայշանկարը զրուցել են հեռախոսով։ Տեղեկությունը հայտնում է ՀՀ արտգործնախարարությունը։
«Հնդկաստանի ԱԳ նախարարը շնորհավորել է կարևոր հանգրվանի առիթով և աջակցություն հայտնել Հայաստանի և Ադրբեջանի միջև հարաբերությունների կարգավորմանը։ Վերահաստատվել է կողմերի պատրաստակամությունը զարգացնել գործընկերությունը երկկողմ և միջազգային հարթակներում»,– ասված է հաղորդագրությունում։
Հիշեցնենք` գիշերը Վաշինգտոնում ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը ստորագրել են յոթ կետից բաղկացած համատեղ հռչակագիր, որը ամրագրում է կողմերի խաղաղության ձգտումը` առանց մանրամասները ներկայացնելու։ Փաստաթղթի տակ ստորագրություն է դրել նաև ԱՄՆ նախագահ Դոնալդ Թրամփը:
