Ալիևը ժամանեց Սպիտակ տուն․ ստորագրվել է հուշագիր
Ադրբեջանի նախագահ Իլհամ Ալիևը ժամանեց Սպիտակ տուն։
Այս պահին ընթանում է ԱՄՆ նախագահ Դոնալդ Թրամփի և Ադրբեջանի նախագահի հանդիպումը։
Ալիևը և Թրամփը ստորագրել են Ադրբեջանի և ԱՄՆ կառավարությունների միջև ռազմավարական գործընկերության խարտիան պատրաստելու համար ռազմավարական աշխատանքային խումբ ստեղծելու մասին փոխըմբռնման հուշագիր։
Ավելի վաղ հայտնել էինք, որ Վաշինգտոնում վարչապետ Փաշինյանը երկկողմ հանդիպում կունենա Ամերիկայի Միացյալ Նահանգների նախագահ Դոնալդ Ջ. Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով, ինչպես նաև եռակողմ հանդիպում՝ ԱՄՆ նախագահ Դոնալդ Ջ. Թրամփի և Ադրբեջանի նախագահ Իլհամ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը։
