Կամչատկայում 600 տարվա ընթացքում առաջին անգամ արթնացել է Կրաշենիննիկով հրաբուխը

Կամչատկայի արևելքում գտնվող Կրաշենիննիկով հրաբուխը օգոստոսի 3-ի առավոտյան մոտ 600 տարվա ընթացքում առաջին անգամ արթնացել է: Այս մասին հայտնել է Կամչատկայի հրաբխային ժայթքումների արձագանքման խումբը:

Հրաբխից մոխիր է ժայթքվել մինչև 6 կիլոմետր բարձրության վրա, և տարածաշրջանի վրա սահմանվել է նարնջագույն ավիացիոն վտանգի կոդ։

Մոխրի ամպը շարժվում է դեպի արևելք՝ դեպի Խաղաղ օվկիանոս։ Բնակեցված տարածքները դրանից չեն տուժել։ Կրաշենիննիկովի վերջին ժայթքումը թվագրվում է մոտավորապես 16-րդ դարի կեսերին։ Այդ ժամանակվանից ի վեր հրաբուխը համարվում էր քնած։

Ակտիվության վերսկսման պատճառը կարող էր լինել վերջերս Խաղաղ օվկիանոսում տեղի ունեցած ուժեղ երկրաշարժը: