Հաքերները խափանել են «Աէրոֆլոտ» ռուսաստանյան ավիաընկերության համակարգերը

Ըստ երևույթին, հաքերները խափանել են «Աէրոֆլոտի» համակարգերը։ Նրանք պնդում են, որ ընկերության տեղեկատվական ենթակառուցվածքը լիովին ոչնչացվել է։

«Silent Crow» և «Կիբերպարտիզաններ BY» խմբերը հայտարարել են լայնածավալ հաքերային հարձակման մասին։ Նրանց խոսքով՝ գործողությունը տևել է մեկ տարի և ավարտվել ավիաընկերության հսկայի ներքին տեղեկատվական համակարգի լիակատար փլուզմամբ. ոչնչացվել է մոտ 7000 սերվեր, գողացվել է 20 ՏԲ տվյալ։

Հաքերները հարձակումը անվանում են «հաղորդագրություն» ռուսական հատուկ ծառայություններին, որոնք չեն կարողացել պաշտպանել հիմնական ենթակառուցվածքները, և խոստանում են մոտ ապագայում սկսել տվյալների արտահոսք։

Հիշեցնենք, որ այսօր «Աէրոֆլոտը» հայտնել է «խափանման» մասին և չեղարկել է ավելի քան 50 չվերթ։