Հնդկաստանի բնակչի մոտ հայտնաբերվել է նոր արյան խումբ
Հնդկաստանի հարավային Կարնատակա նահանգի բժիշկները իրենց հիվանդի մոտ հայտնաբերել են նախկինում անհայտ արյան խմբի հակածին, որը երբեք չի հայտնաբերվել աշխարհում որևէ մեկի մոտ, հաղորդում է The New Indian Express-ը։
Ըստ թերթի՝ հայտնաբերումը կատարվել է Քոլար շրջանի 38-ամյա բնակչի սրտի վիրահատության նախապատրաստման ժամանակ։ Նրա արյան խումբը՝ O Rh+-ը, ամենատարածվածն է, բայց առկա O-դրական արյունից ոչ մեկը հարմար չէր հնարավոր փոխներարկման համար։
«Օգտագործելով առաջադեմ սերոլոգիական մեթոդներ՝ մեր թիմը պարզեց, որ նրա արյունը «պանռեակտիվ» էր, անհամատեղելի բոլոր թեստային նմուշների հետ։ Ճանաչելով սա որպես հազվագյուտ կամ անհայտ արյան խմբի հնարավոր դեպք՝ մենք արյան նմուշներ վերցրեցինք հիվանդի ընտանիքի 20 անդամներից՝ համատեղելի խումբ գտնելու համար, բայց ոչ մեկը չհամապատասխանեց», - թերթին ասել է Քոլար հիվանդանոցի վիրաբույժ Անկիտ Մաթուրը։ Վիրահատությունը հաջողությամբ է անցել՝ առանց արյան փոխներարկման անհրաժեշտության։
Մի շարք իմունոլոգներ կարծում են, որ Հնդկաստանի բնակչի մոտ նախկինում անհայտ արյան խումբը կարող է պայմանավորված լինել երկրի մերձավոր ազգականների միջև ամուսնությունների ավանդույթով:
