Սա լիակատար աղետ է, վերջ տվեք դրան. Թրամփ

ԱՄՆ նախագահ Դոնալդ Թրամփը կարծում է, որ «Ամերիկայի ձայն» ռադիոկայանը պետք է դադարեցնի գործունեությունը։ Թրամփը այս մասին գրել է ×-ի իր էջում:

«Ինչո՞ւ են հանրապետականները ցանկանում պահպանել «Ամերիկայի ձայնը»՝ դեմոկրատների խոսափողի, գոյությունը։ Սա  լիակատար աղետ է։ Ոչ մի հանրապետական ​​չպետք է քվեարկի ռադիոկայանը պահպանելու օգտին։ Վերջ տվեք դրան», - գրել է Թրամփը։

Նշենք, որ մարտի 14-ին Թրամփը ստորագրել է գործադիր հրամանագիր, որով կրճատվել է ԱՄՆ կառավարության Գլոբալ լրատվամիջոցների գործակալության (USAGM) լիազորությունների շրջանակը, որը պատասխանատու է հեռուստատեսությամբ և ռադիոյով արտաքին քաղաքականության քարոզչության համար։

Կազմակերպությունը, մասնավորապես, համակարգում էր պետության կողմից ֆինանսավորվող «Ռադիո Ազատություն» և «Ամերիկայի ձայն» ռադիոկայանների աշխատանքը։