ՆԱՏՕ-ի գլխավոր քարտուղարը Թրամփին «հայրիկ» չի անվանել
Սպիտակ տունը հրապարակել է ԱՄՆ նախագահ Դոնալդ Թրամփի՝ Հաագայում ՆԱՏՕ-ի գագաթնաժողովին այցի տեսանյութը՝ «Hey Daddy» երգի ուղեկցությամբ և այն մակագրել՝ «Հայրիկը վերադարձել է»։
Նշենք, որ հաղորդվում էր՝ ՆԱՏՕ-ի գլխավոր քարտուղար Ռյուտեն գագաթնաժողովում Թրամփին անվանել է «հայրիկ»։ Սակայն նա ավելի ուշ նշել է, որ իրեն սխալ են հասկացել։ Ռյուտեն լրագրողներին ասել է, որ ԱՄՆ նախագահ Դոնալդ Թրամփին «հայրիկ» չի անվանել:
«Ես պարզապես ասացի, որ Եվրոպայի որոշ երկրներ հարցնում են. «Հե՜յ, Մարկ, ԱՄՆ-ն մեզ հետ կմնա՞» և պատասխանեցի, որ դա նման է փոքրիկ երեխայի հարցի, որը հորն ասում է. «Հե՜յ, հայրիկ, դու դեռ մնո՞ւմ ես ընտանիքիդ հետ»»,-ասել է նա:
