Մինչև տարվա վերջ պլանավորում ենք նոր ծրագրի մեկնարկ․ Ավինյան
Հայտարարվելու է YES նախագծի մեկնարկի մասին. Yerevan Electronic Services հարթակում գրեթե բոլոր ծառայությունները կունենանք թվայնացված։ Կլինի դեռևս web ֆորմատով։
«Մինչև տարվա վերջ պլանավորում ենք, որ YES հարթակը ունենա հավելվածներ Android-ի և IOS-ի համար»,- այս մասին այսօր Երևան քաղաքի ավագանու նիստին հայտնել է Երևանի քաղաքապետ Տիգրան Ավինյանը։
Ինչ վերաբերում է Հատուկ սպասարկման ՀՈԱԿ-ին, Տիգրան Ավինյանը նշել է, որ դրան անդրադառնալու են ոչ միայն թվայնացման, այլև՝ բիզնես պրոցեսների պարզեցման մասով. «Օրինակ, եթե ինչ-որ թուղթ ենք ուզում, և դա կարող ենք Էկենգ-ից ստանալ ավտոմատ կերպով, վստահորեն հենց այդպես էլ կանենք»,- ասել է քաղաքապետը։
