Զախարովան՝ ԼՂ-ից տեղահանվածների մասին
Լեռնային Ղարաբաղից տեղահանվածների հումանիտար աջակցության հարցը շարունակում է մնալ ռուսական կողմի ուշադրության կենտրոնում։ Այս մասին ճեպազրույցում հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, գրում է «Ռիա Նովոստի»-ն։
Նրա խոսքով՝ մոտ ապագայում «Ռուսական հումանիտար առաքելություն» ոչ կառավարական կազմակերպության կողմից նախատեսվում է բավականին խոշոր հումանիտար նախաձեռնություն։
«2023 թվականի հոկտեմբերին արդեն իսկ Հայաստան է ուղարկվել շուրջ վեց տոննա հումանիտար բեռ»,- հայտնել է Զախարովան։
