Նիկոլ Փաշինյանը պատրաստվում է էրդողանին հրավիրել Հայաստան

ՀՀ վարչապետ Նիկոլ Փաշինյանը պաշտոնական այցով մեկն էր Թուրքիա, որտեղ հանդիպում է ունեցել նաև Թուրքիայում հայ համայնքի ներկայացուցիչների հետ։ Նիկոլ Փաշինյանն ասել է․ 

«Պատրաստվում եմ էրդողանին հրավիրել Հայաստան՝ մասնակցություն ունենալու հաջորդ տարի գարնանը Երևանում տեղի ունենալիք եվրոպական քաղաքական համայնքի գագաթաժողովին: Հույս ունեմ՝ հաջորդ տարի հանդիպումը տեղի կունենա ՀՀ-ում»։ 

Հիշեցնենք, որ  ավելի ուշ տեղի է ունեցել ՀՀ վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը, որի ժամանակ վարչապետը ընդգծել է ՀՀ հավատարմությունը տարածաշրջանում խաղաղության և կայունության ապահովման գործընթացին և շեշտել հարևանների հետ հարաբերությունների կարգավորման քաղաքականության շարունակականության իր հանձնառությունը։