Միքայել սրբազանին տեղափոխեցին ՔԿՀ. պաշտպանները կբողոքարկեն որոշումը
Շիրակի թեմի առաջնորդ Միքայել արքեպիսկոպոս Աջապահյանի պաշտպան Արա Զոհրաբյանն լրագրողների հետ զրույցում ասաց, որ պաշտպանների թիմը կբողոքարկի որոշումը։ «Սրբազանը պատրաստ էր այս որոշմանը»,– ասաց Զոհրաբյանը։
Շիրակի թեմի առաջնորդ Միքայել արքեպիսկոպոս Աջապահյանին դատարանից տեղափոխեցին քրեակատարողական հիմնարկ։
Դատարանը նրան 2 ամսով կալանավորելու որոշում է կայացրել։ Sputnik-ի հետ զրույցում պաշտպանները հայտնել են, որ սրբազանին, ըստ նախնական տվյալների, կտեղափոխեն «Նուբարաշեն» ՔԿՀ։
Հիշեցնենք, որ դատարանը սահմանափակել է նաև Միքայել սրբազանի շփումները` բացառությամբ մերձավոր ազգականների և պաշտպանների։
