Ավտովթար Կոտայքի մարզում․ մեքենան բռնկվել և վերածվել է մխրակույտի․ կան տուժածներ
Հրդեհի բռնկմամբ ավտովթար է տեղի ունեցել այսօր Կոտայքի մարզում։ Այս մասին հայտնում է ՀՀ ՆԳՆ փրկարար ծառայությունը։ Ժամը 20:30-ի սահմաններում ահազանգ է ստացվել, որ Առինջ գյուղի Բաբաջանյան թաղամասում տեղի է ունեցել ՃՏՊ։
Դեպքի վայր մեկնած փրկարարները պարզել են, որ բախվել են «Toyota» և «Lexus» մակնիշների ավտոմեքենաները, ինչի հետևանքով «Toyota» մակնիշի ավտոմեքենան բռնկվել է և այրվել:
Երեք տուժած տեղափոխվել են բժշկական կենտրոն։ Հրդեհը մարվել է 20։50-ի սահմաններում։
