Պետական մակարդակով հերթական կլյաուզա. Արծվիկ Մինասյան

Պետական մակարդակով հերթական կլյաուզա: Այս մասին ֆեյսբուքում գրել է «Հայաստան» խմբակցության քարտուղար Արծվիկ Մինասյանը՝ մեկնաբանելով իր նկատմամբ քրեական հետապնդում հարուցելու` գլխավոր դատախազի մտադրությունը։

«Մասնագիտական, քաղաքական ու բարոյական առումով որևէ քննադատության չդիմացող իմ դեմ հարցված ապօրինի քրեական գործը ոչ միայն հանրությանը մատուցվող հերթական շոուն է, այլև վկայում է Հայաստանը զավթած ռեժիմի իշխանությունը կորցնելու վախերի մասին»,- գրել է նա:

Մինասյանի խոսքով՝ գլխավոր դատախազ Աննա Վարդապետյանը հերթական անգամ իրեն նվիրել է Նիկոլ Փաշինյանի հանցավոր հանձնարարությունների կատարմանը՝ ոտնահարելով Սահմանադրությունն ու օրենքները։