Լեհաստանը նոր նախագահ ունի
Լեհաստանի նախագահական ընտրություններում հաղթել է եվրոսկեպտիկ Կարոլ Նավրոցկին։ Այս մասին երկուշաբթի վաղ առավոտյան հայտարարել է երկրի Կենտրոնական ընտրական հանձնաժողովը։
Նախագահական ընտրությունների երկրորդ փուլում ընդդիմադիր թեկնածու, ազգայնական եվրոսկեպտիկ Կարոլ Նավրոցկին ստացել է քվեների 50.89 տոկոսը՝ հաղթելով իշխող, եվրոպամետ թեկնածու Ռաֆալ Թշասկովսկուն: Նա հավաքել է 49.11 տոկոս։
42-ամյա Նավրոցկին պատմաբան է և ղեկավարել է Լեհաստանի ազգային հիշողության ինստիտուտը, իր նախընտրական քարոզարշավում խոստացել էր տնտեսական և սոցիալական քաղաքականությունը կենտրոնացնել լեհերի, այլ ոչ թե այլազգիների, այդ թվում՝ Ուկրաինայից եկած փախստականների վրա։
Չնայած մի շարք սկանդալների՝ ներառյալ մի տարեց քաղաքացուց բնակարան ձեռք բերելու հետ կապված հարցերը և կազմակերպված ծեծկռտուքին մասնակցելու խոստովանությունը, Նավրոցկին կարողացել է հաղթել։
