Իրանի ԱԳ նախարարը կարևոր հայտարարություններ է արել

Իրանի արտաքին գործերի նախարար Աբբաս Արաղչին հայտաարել է,որ Իրանը պատրաստ է համաձայնագիր կնքել:

«Իրանը պատրաստ է միջուկային զենք չունենալու համաձայնագիր ստորագրել, բայց եթե համաձայնագրի նպատակն է զրկել Իրանին միջուկային իրավունքներից, մենք պատրաստ չենք»,- ասել է Արաղչին։

Նա նաև նշել է, որ Իսրայելի հարձակումը նպատակ ունի խափանել Իրանի միջուկային ծրագրի շուրջ բանակցությունները։ 

«Թեհրանը ցավում է, որ ԱՄՆ-ն աջակցել է այդ հարձակմանը։ Մենք չենք հավատում ԱՄՆ-ի պնդումներին, թե իրենք չեն մասնակցել Իրանի վրա հարձակմանը»,- ասել է նա:

Իրանի ԱԳ նախարարի խոսքով՝ Իսրայելի հարձակումը չէր կարող տեղի ունենալ առանց Վաշինգտոնի աջակցության։

«Մենք ունենք ԱՄՆ ուժերի աջակցության մասին փաստեր»,- հայտարարել է նա։

Արաղչին ասել է, որ Իրանը կդադարի հարվածներ հասցնել Իսրայելին, եթե նա դադարեցնի իր ագրեսիան Իրանի դեմ։

«Սա մեր պատասխանն է ագրեսիային»,- նշել է նա։