Ձերբակալություններ ու խուզարկություններ՝ Թուրքիայում
Թուրքիայում ձերբակալություններ և խուզարկություններ են իրականացվում ընդդիմադիրների շրջանում: Պետական և անկախ լրատվամիջոցները հայտնում են, որ Ստամբուլի քաղաքապետ Էքրեմ Իմամօղլուն, ով Թուրքիայի նախագահ Ռեջեփ Թայիփ Էրդողանի գլխավոր քաղաքական մրցակիցն է և մի շարք հարցերում առաջ է անցել նրանից, մարտ ամսից կալանքի տակ է գտնվում կոռուպցիայի և ահաբեկչական խմբավորմանը աջակցելու մեղադրանքներով: Իմամօղլուն հերքում է բոլոր մեղադրանքները։
Արևմտյան մի քանի երկրներ, իրավապաշտպան խմբեր բազմիցս հայտարարել են, որ այդ գործողությունները հակաժողովրդավարական են և ուղղված են ընդդիմության ընտրական հնարավորությունների նվազեցմանը:
Ստամբուլի դատախազությունը թույլատրել է քաղաքային պաշտոնյաների ձերբակալություններ՝ Ստամուլի քաղաքապետի գործի շրջանակներում: Habertürk հեռուստաալիքի փոխանցմամբ՝ ձերբակալման օրդերներ են տրվել մոտ 50 կասկածյալի համար։ Սա ձերբակալությունների արդեն հինգերորդ ալիքն է:
