Մենք բազմիցս ցույց ենք տվել մեր անկեղծ մտադրությունները. Էրդողան
Թուրքիայի նախագահ Ռեջեփ Թայիփ Էրդողանը նշանակել է իրավաբանական փորձագետների տասը հոգուց բաղկացած խումբ և նրանց լիազորել է սկսել աշխատանքը նոր Սահմանադրության վրա։
«23 տարվա ընթացքում մենք բազմիցս ցույց ենք տվել մեր անկեղծ մտադրությունները՝ ամրապնդելու մեր ժողովրդավարությունը քաղաքացիական ազատական նոր Սահմանադրությամբ»,- նշել է նա։
Նշենք` Թուրքիայի իշխող «Արդարություն և զարգացում» կուսակցության փոխնախագահ Հուսեյն Յայմանը Մուղլայում կուսակցական ակտիվիստների հետ հանդիպման ժամանակ ասել էր, որ չնայած երկրի նախագահը` կրկին առաջադրվել չցանկանալու մասին խոսքերին, կուսակցությունը մտադիր է նրան առաջադրել որպես թեկնածու հաջորդ ընտրություններում։
