Թրամփի հայտարարությունները սխալ տպավորություններ են ստեղծում․ Գերմանիայի ԱԳ նախարար
ԱՄՆ իշխանությունները Ռուսաստանի դեմ նոր պատժամիջոցներ են մշակում և կարող են դրանք ընդունել՝ չնայած նախագահ Դոնալդ Թրամփի հակառակ հայտարարություններին։ Նման գնահատականով է հանդես եկել Գերմանիայի ԱԳ նախարար Յոհան Վադեֆուլը ZDF հեռուստաալիքի եթերում։
Նա ուշադրությունը սևեռել է մայիսի 20-ին Թրամփի արած հայտարարություններին, թե ԱՄՆ-ն ՌԴ-ի դեմ նոր պատժամիջոցներ չի սահմանի։
«Սա սխալ տպավորություն է։ Ամերիկյան Սենատում կա պատժամիջոցների մեծ փաթեթ, դրա մասին օրինագիծ։ Դրան արդեն աջակցել են Սենատի գրեթե 80 գործընկերներ։ Ամերիկան նույնպես կգործի։ Դա հստակ է ասված։ Այժմ անհրաժեշտ է ռազմավարական համբերություն։ Մենք պետք է հստակություն պահպանենք այս հարցում։
ԱՄՆ-ում պատրաստվում է պատժամիջոցների ընդարձակ փաթեթ։ Այժմ այն կներկայացվի Կոնգրեսի քննարկմանը։ Իհարկե, այն ուժի մեջ կմտնի միայն այն դեպքում, եթե անցնի այդ քննարկումները։ Բայց, դատելով այն ամենից, ինչ ես լսում եմ, դա տեղի կունենա», - պնդել է Գերմանիայի ԱԳ նախարարը։
