Հակակոռուպցիոն կոմիտեն մտնելու է բոլոր տեսչական մարմիններ
ՀՀ հակակոռուպցիոն կոմիտեի աշխատակիցները առաջիկայում մտնելու են բոլոր տեսչական մարմիններ, թաղապետարաններ, համայնքապետարաններ: Այս մասին գրել է «Ժողովուրդ» օրաթերթը` հղում անելով իր աղբյուրներին։
«Պատճառը կաշառքի կոռուպցիոն գործընթացների մասին օպերատիվ տվյալներն են։ Այսինքն` առաջիկայում ձերբակալություններ են սպասվում, ու հուսանք, որ կոմիտեի ձեռքերը կհասնեն խոշոր ձկներին, քանի որ դժվար թե վերոնշյալ կառույցների ղեկավարները տեղյակ չլինեն, թե ինչ գործընթացների մեջ են ներգրավված իրենց ենթակաները»,- գրել է պարբերականը։
