Ուկրաինան կստանա շատ լուրջ զենք արտադրելու լիցենզիաներ. Զելենսկի

Վլադիմիր Զելենսկին հայտարարել է, որ Ուկրաինան կստանա արևմտյան զենք արտադրելու լիցենզիաներ։ Հայտարարությունը հրապարակվել է նրա պաշտոնական Telegram ալիքում։ Սա վերաբերում է SCALP հրթիռներին, AASM օդ-օդ ռումբերին և Իտալիայի հետ Aster 30 զենիթային հրթիռների համատեղ արտադրությանը։ Ուկրաինայի առաջնորդի խոսքով՝ դրանք շատ լուրջ զենքեր են, և լիցենզիաներն արդեն հաստատվել են։

Զելենսկին նշել է, որ Ֆրանսիան Ուկրաինայի հետ կմասնակցի FREYJA հակահրթիռային ծրագրին։ Ավելին, Կիևը առաջինը կստանա բարելավված SAMP/T NG միջին և մեծ հեռահարության հակաօդային պաշտպանության հրթիռային համակարգեր։ Այս տարի նախատեսվում է մատակարարել երկու SAMP/T համակարգ։ Զելենսկու խոսքով՝ Փարիզն ու Հռոմը կարագացնեն Aster 30 հրթիռների մատակարարումը. դրանց մատակարարումը նախատեսվում է մինչև հոկտեմբեր։

Զելենսկին հայտարարել է, որ Ուկրաինան կգնի 16 Rafale կործանիչ՝ սպառազինության ամբողջական հավաքածուով։ Ուկրաինացի օդաչուների և մեխանիկների վերապատրաստումը կսկսվի այս տարի Ֆրանսիայում։ Ավարտից հետո առաջին չորս ինքնաթիռները կհանձնվեն Ուկրաինայի զինված ուժերին։