Իրանն ԱՄՆ-ից առաջարկ է ստացել

Իրանը Միացյալ Նահանգներից առաջարկ է ստացել անցկացնելու Իրանի միջուկային ծրագրի շուրջ ստեղծված ճգնաժամը լուծելու համար բանակցությունների հինգերորդ փուլ։ Այս մասին հայտարարել է փոխարտգործնախարար Քազեմ Ղարիբաբադին։

«Մենք ստացել ենք Իրանի և Միացյալ Նահանգների միջև անուղղակի բանակցությունների հաջորդ փուլի առաջարկ, որը ներկայումս քննարկվում է», - ասել է Ղարիբաբադին։

Երկրների միջև անուղղակի բանակցությունների չորրորդ փուլը տեղի է ունեցել մայիսի 11-ին Մասկատում՝ օմանյան կողմի միջնորդությամբ։ Բանակցությունները վերսկսվել են երկշաբաթյա ընդմիջումից հետո։ Թեհրանի և Վաշինգտոնի միջև անուղղակի բանակցությունների առաջին և երրորդ փուլերը տեղի են ունեցել Օմանում՝ համապատասխանաբար ապրիլի 12-ին և 26-ին, իսկ երկրորդը՝ Իտալիայի Հռոմում՝ ապրիլի 19-ին։

Այս հանդիպումներում քննարկվել է Իրանի կողմից միջուկային զենքի մշակումից լիակատար հրաժարման հարցը՝ պատժամիջոցների վերացման դիմաց, միաժամանակ պահպանելով Թեհրանի՝ խաղաղ նպատակներով միջուկային էներգիա զարգացնելու իրավունքը։