Արմեն Գրիգորյանը՝ «Զանգեզուրի միջանցք»-ի մասին

ՀՀ Անվտանգության խորհրդի քարտուղար Արմեն Գրիգորյանը Թեհրանում անցկացված Միջազգային երկխոսության համաժողովում հայտարարել է, որ «Զանգեզուրի միջանցք» կոչվող նախագծի մասին քննարկում չկա։ Գրիգորյանի խոսքերը մեջբերում է Irna իրանական լրատվական գործակալությունը, համաձայն որոնց՝ Հայաստանը երբեք չի օգտագործել միջանցք տերմինը, և նման ձևակերպում չկա քննարկումների օրակարգում։

«Անկեղծ ասած, որևէ միջանցքի մասին քննարկում չկա, մենք նույնիսկ նման տերմին չենք օգտագործում»։ Բայց մենք խոսում ենք այն մասին, թե ինչպես կարող ենք բացել տարածաշրջանային հաղորդակցությունները, խաղաղություն և կայունություն բերել տարածաշրջան և նպաստել զարգացմանը»,-ասել է Գրիգորյանը։

Նա նաև անդրադարձել է «Խաղաղության խաչմերուկ» հայեցակարգին և այն ներկայացրել որպես տնտեսական ենթակառուցվածքների զարգացման ծրագիր։