Մարդիկ մնացել են փլատակներում. Գազայի հատվածում զոհերի թիվն աճել է

Առնվազն 96 մարդ է զոհվել, 140-ը տուժել` կիրակի առավոտվանից Գազայի հատվածի վրա իսրայելական հարվածների հետևանքով: Այս մասին տեղեկացրել է անկլավի առողջապահության նախարարությունը:

Հաղորդվում է, որ տուժածներից շատերը շարունակում են մնալ շենքերի փլատակների տակ և փողոցներում, որտեղ նրանց չեն կարող հասնել ոչ շտապօգնության մեքենաները, ոչ քաղաքացիական պաշտպանության ծառայությունները՝ ավերված ենթակառուցվածքների և շարունակվող իսրայելական հարձակումների պատճառով: