Դաղստանում փողոցային «պատերազմներ» են սկսվել
Դաղստանում փողոցային պատերազմներ են սկսվել մի քանի երիտասարդական խմբավորումների միջև։ Ծեծկռտուքները տեղի են ունենում հանրապետության բազմաթիվ քաղաքներում, իսկ տեղի ունեցածով արդեն հետաքրքրվել է Ռուսաստանի Քննչական կոմիտեի ղեկավարը:
Նախնական տվյալներով՝ բախումները սկսվել են այն բանից հետո, երբ ըմբշամարտի մրցումներում Մախաչկալայից մի տղա պարտվել է Կիզլյարի ներկայացուցչին, ինչը շատ դուր չի եկել նրա ընկերությանը: Նրանք որոշել են վրեժ լուծել հաղթողից, իսկ «հակամարտությանը» խառնվել են պատահական մարդիկ։ Հետևանքը, այս ամենը վերաճել է ավազակախմբերի միջև խոշոր ծեծկռտուքի։
Հակամարտության մասնակիցներից ոմանք իրենց անվանում են «հինգ հարյուր», մյուսները՝ «հարյուր տասներեքերորդ»:
Այժմ տեղի ունեցածով արդեն զբաղվում է Քննչական կոմիտեն։ Առաջիկայում կարող է քրեական գործ հարուցվել։
