Ես նրանց հնարավորություն տվեցի. Թրամփը` Իրանի մասին

ԱՄՆ նախագահ Դոնալդ Թրամփը հայտարարել է, որ չի զղջում Իրանի վրա ծովային շրջափակումը նախկինում վերացնելու համար, քանի որ դրանով Վաշինգտոնը Թեհրանին հնարավորություն է տվել գործարք կնքել։

Հունիսին Պենտագոնի կենտրոնական հրամանատարությունը հայտարարեց, որ ԱՄՆ ուժերը , գործելով Թրամփի հրամանով, վերացրել են իրանական նավահանգիստների և ափամերձ տարածքների ծովային շրջափակումը: Կարճ ժամանակ անց Իրանի արտաքին գործերի նախարար Աբբաս Արաղչին հայտարարեց, որ ԱՄՆ-ն վերացրել է իրանական նավթի արտահանման սահմանափակումները, ապասառեցրել է մի շարք ակտիվներ և մեկնարկել է Իրանի վերականգնման ծրագիր:

«Ոչ, ես նրանց (Իրանին - խմբ.) հնարավորություն տվեցի։ Ես ուզում էի նրանց հնարավորություն տալ գործարք կնքելու», - ասել է Թրամփը՝ պատասխանելով հարցին, թե արդյոք նա զղջում է ռազմածովային շրջափակման վերացման և պատժամիջոցների մեղմացման համար։

Ամերիկացի առաջնորդը պնդում է, որ համաձայնությունը, ըստ էության, ձեռք է բերվել երկու օր առաջ։ Նա պնդում է, որ Թեհրանը լուրջ սխալ է թույլ տվել՝ սկսելով հարվածները։