Թուրքիան Սև ծովում գազի խոշոր հանքավայր է հայտնաբերել. Էրդողան

Թուրքիայի նախագահ Թայիփ Էրդողանը հայտարարել է Սև ծովում գազի խոշոր հանքավայր հայտնաբերելու մասին, որը 30 մլրդ դոլար գնահատված արժեքով վառելիք է պարունակում:

«49 օր հորատումից և փորձարկումներից հետո լավ լուր ստացանք. Սև ծովում գազի նոր հանքավայր է հայտնաբերվել։ Ծավալը՝ 75 մլրդ խմ, տնտեսական արժեքը՝ 30 մլրդ դոլար։ Այդ ծավալը կբավականացնի ամբողջ Թուրքիայում մեր բնակարանների մատակարարման համար 3,5 տարվա ընթացքում»,- նշել Է նա։

Թուրքիայի ղեկավարի խոսքով՝ այժմ Սև ծովի գազային հանքավայրերը գազով ապահովում են 4 միլիոն բնակարան՝ 9,5 միլիարդ խորանարդ մետր գազի հաշվին: Մինչև 2028 թվականը նախատեսվում է ցուցանիշը քառապատկել, հայտնել Է Էրդողանը: