Պեսկովը նշել է Ուկրաինայի հետ բանակցությունների նպատակը

Ուկրաինայի հետ բանակցությունների նպատակն է վերացնել հակամարտության հիմնական պատճառները: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:

«Բանակցությունների նպատակները հասկանալի են՝ վերացնել հակամարտության արմատական պատճառները, ինչպես նաև ապահովել Ռուսաստանի Դաշնության շահերը», - ասել Է Պեսկովը։ 

Նա հավելել է, որ ուկրաինական կողմն ինքնուրույն չէ։ 

«Ուկրաինան ունի համակարգողներ, այն նույն համակարգողները, որոնք նախորդ անգամ ստիպեցին Ուկրաինային դուրս գալ բանակցային գործընթացից և հրաժարվել նախաստորագրված փաստաթղթի ստորագրումից», - եզրափակել Է Պեսկովը: