Հայտնի է՝ երբ կմեկնարկեն ռուս-ուկրաինական բանակցությունները
ՌԴ պատվիրակությունն արդեն ժամանել Է Ստամբուլ։ Այս մասին հայտնում է ՏԱՍՍ-ի աղբյուրը։
Ստամբուլում ռուս-ուկրաինական բանակցությունները մեկնարկելու են Երևանի ժամանակով 11:00-ին։
Բանակցությունները տեղի կունենան Թուրքիայի նախագահի աշխատանքային գրասենյակում՝ մամուլի համար փակ ռեժիմով։
Ռեջեփ Էրդողանը Ստամբուլում չի հանդիպի Ռուսաստանի և Ուկրաինայի պատվիրակությունների հետ: Էրդողանի ծրագրում նախատեսված է Անկարայում հանդիպում միայն Զելենսկիի հետ։
Նշենք, որ Պուտինի հաստատած բանակցային պատվիրակության կազմում են ՌԴ նախագահի օգնական Վլադիմիր Մեդինսկին, ԱԳ փոխնախարար Միխայիլ Գալուզինը, ԶՈՒ ԳՇ գլխավոր տնօրինության պետ Իգոր Կոստյուկովը, պաշտպանության փոխնախարար Ալեքսանդր Ֆոմինը:
Հայտնի է նաև բանակցություններին մասնակցող ուկրաինական պատվիրակության կազմը։
