Անիմաստ է շարունակել հրադադարի շուրջ բանակցությունները. ՀԱՄԱՍ

Պաղեստինյան ՀԱՄԱՍ շարժումը կարծում է, որ անիմաստ է շարունակել հրադադարի շուրջ բանակցությունները Իսրայելի հետ, քանի դեռ շարունակվում է հակամարտությունը և անկլավի շրջափակումը։ Այս մասին ասել է շարժման քաղբյուրոյի անդամ Բասեմ Նաիմը։

«Անիմաստ է բանակցել կամ քննարկել հրադադարի նոր առաջարկներ, քանի դեռ Գազայի հատվածում շարունակվում է սովի պատերազմը, ոչնչացման պատերազմը»,- նշել է նա:

Նաիմը կոչ է արել միջազգային հանրությանը ճնշում գործադրել Իսրայելի իշխանությունների վրա՝«վերջ տալու սպանություններին և հանցագործություններին, որոնք հանգեցնում են սովի և ծարավի։