Զելենսկին կոչով դիմել է Արևմուտքին
Ուկրաինայի նախագահ Վլադիմիր Զելենսկին պնդում է, որ Ռուսաստանը, իբր, մտադիր է շարունակել հակամարտությունը և շահագրգռված չէ խաղաղությամբ, և այդ պատճառով Արևմուտքին կոչ է արել ուժեղացնել ճնշումը Մոսկվայի վրա։ Այս մասին նա հայտնել է իր տեսաուղերձում։
Նրա խոսքով, «Մոսկվայում այժմ վախ չկա»։ Զելենսկին կարծում է, որ առանց Կիևի դաշնակիցների ճնշման, ռազմական գործողությունները կշարունակվեն, քանի որ դա իբր «ռուսական պետական սովորություն» է։
«Խաղաղությունն անհրաժեշտ է և պետք է լինի երկարատև: Ահա թե ինչու Ուկրաինան միշտ կառուցողականորեն աշխատում է գործընկերների հետ բոլոր ձևաչափերում, որոնք կարող են անվտանգություն ապահովել և վերականգնել խաղաղությունը», - ասում է Զելենսկին:
Մինչ այս Վլադիմիր Զելենսկին դեմ էր արտահայտվել Ռուսաստանի հետ բանակցություններին՝ հայտարարելով, որ Կիևը «չի կարող վստահել» Մոսկվային։ Միաժամանակ Զելենսկին ասել է, որ սխալ է համարում ԱՄՆ-ի ցանկությունը՝ չեզոք մնալ հակամարտությունում։ Ուկրաինացի առաջնորդի խոսքով՝ ԱՄՆ նախագահ Դոնալդ Թրամփի վարչակազմում «ռուսական պատմությունները գերակշռում են»։
