Սարսափելի կադրեր՝ Ուկրաինայի Սումի քաղաքից
Բալիստիկ հրթիռներով գրոհ է իրականացվել Ուկրաինայի Սումի քաղաքի վրա։ Այս պահին հայտնում են 31 զոհերի մասին, որից երկուսը երեխա։ Վիրավորների թիվը՝ 84, որից 10-ը երեխա: Ուկրաինայի ներքին գործերի նախարար Իգոր Կլիմենկոն Սումիի վրա հարձակումն անվանել է ամենադաժան հանցագործությունը խաղաղ բնակչության վրա։
«Ռուսաստանի կողմից դաժան պատերազմական հանցագործություն խաղաղ բնակչության դեմ։ Միայն սրիկան կարող էր այդպես վարվել»,- ասել է Կլիմենկոն:
Ուկրաինայի նախագահը տելեգրամի իր ալիքում հայտարարել է , որ Ռուսաստանին անհրաժեշտ է աշխարհի կոշտ արձագանքը։
«Միացյալ Նահանգներ, Եվրոպա, աշխարհում բոլոր նրանք, ովքեր ցանկանում են, որ այս պատերազմն ու սպանությունները վերջանան պետք է կոշտ արձագանքով պատասխանեն Ռուսաստանի այս ոճրագործությանը»,- ընդգծել է Զելենսկին։
Հավելենք, որ Ռուսաստանի պաշտպանության նախարարությունը չի մեկնաբանել Սումիի վրա հարձակումը։
