Բախում` ցուցարարների և ոստիկանների միջև
Երևան-Աշտարակ մայրուղին փակած և բողոքի ակցիա իրականացնող Պռոշյան և Քասախ համայնքների բնակիչների և ոստիկանների միջև բախումներ տեղի ունեցան, երբ ոստիկանները փորձեցին քաղաքացիներին ուժով հեռացնել ճանապարհի հատվածից:
Հիշեցնենք` Պռոշյան և Քասախ գյուղերի բնակիչներն այսօր՝ ապրիլի 8-ի առավոտյան կրկին փակել են Երևան-Աշտարակ մայրուղին: Պատճառն այն է, որ իշխանությունները թիվ 25 և 59 երթուղին սպասարկող ավտոբուսները հանում են, փոխարենն ավելի թանկ արժեքով ավտոբուսներ են աշխատելու, իսկ երթուղին կրճատվելու է:
