Մանրամասներ` երեխայի «կոնֆետից» թունավորման դեպքի մասին

3-ամյա երեխային անհայտ ծագմամբ, քիմիական բաղադրությամբ հաբ՝ որպես կոնֆետ տալու դեպքով, որի հետևանքով երեխան թունավորվել է ՝ նախաձեռնվել է քրեական վարույթ:

Auroranews-ին ՔԿ-ից հայտնեցին, որ դեպքի առթիվ 173-րդ հոդվածի 1-ին մասի հատկանիշներով (անզգուշությամբ առողջությանը միջին ծանրության վնաս պատճառելը) նախաձեռնվել է քրեական վարույթ:

Հիշեցնենք՝ Shamshyan.com -ը հայտնել էր, որ երեկ՝ ապրիլի 6-ին ոստիկանություն ահազանգ է ստացվել, ըստ որի՝ 3-ամյա երեխա է տեղափոխվել հիվանդանոց՝ մաքրող միջոցի համար նախատեսված հաբեր ուտելու հետևանքով։

Պարզվել է, որ երեխայի 30-ամյա մայրը կեսգիշերին մոտ տաքսիով իր աղջկա հետ Գարեգին Հովսեփյան փողոցից ուղևորվել է դեպի Լազոյի փողոց, ճանապարհին տաքսու վարորդը երեխային հյուրասիրել է անհայտ ծագմամբ, քիմիական բաղադրությամբ հաբ՝ որպես կոնֆետ, և այն ուտելուց հետո երեխան սկսել է թուլանալ, առաջացել է սրտխառնոց:

Ոստիկանները հայտնաբերել են տաքսու վարորդին, որը նշել է որ կոնֆետներն իրեն հյուրասիրել էին 2 օտարերկրացի, որոնց որպես ուղևոր ինքը տեղափոխել է։