10 հազար տարի առաջ անհետացած գայլերը «հարություն» են առել
«Տվեք ինձ հենման կետ, և ես կշրջեմ Երկիրը» այս թևավոր խոսքը գիտնական Արքիմեդին է: Այսօրվա գիտնականներին տվեք ԴՆԹ եւ նրանք կվերակենդանացնեն ժամանակին անհետացած կենդանու:
Գիտնականները «կենդանություն են տվել» սարսափելի գայլերին, որոնք վերացել են 10 հազար տարի առաջ:
Ամերիկյան ստարտափը հայտարարել է սարսափելի գայլի առաջին հաջող «հարության» մասին: Այս մասին հայտնում է Time-ը։
Օգտագործելով հնագույն ԴՆԹ՝-ն գիտնականները վերծանել են տեսակի գենոմը: Այնուհետև որպես փոխնակ մայր ընտանի շների օգնությամբ ծնվել են երեք ձագեր՝ Հռոմուլոսը, Հռեմոսը և Խալեսին։
Ամերիկյան ընկերությունն ասել է, որ սկսել է աշխատել նաև բրդոտ մամոնտին և թասմանյան վագրին վերակենդանացնելու վրա։
