
Փարիզն ու Լոնդոնը` ընդդեմ Թրամփի մաքսային տուրքերի

Ֆրանսիայի նախագահ Էմանուել Մակրոնը Մեծ Բրիտանիայի վարչապետ Կիր Սթարմերի հետ քննարկել է Վաշինգտոնի նոր մաքսատուրքերին արձագանքման քայլերը, ինչպես նաև Ուկրաինայի իրավիճակը, գրում է ТАСС-ը։
«ԱՄՆ-ի մաքսային տուրքերից առաջացած հարվածի ֆոնին... մենք հաստատեցինք մեր պատրաստակամությունը սերտորեն համակարգելու մեր դիրքորոշումները ԱՄՆ նախագահ Դոնալդ Թրամփի հետ բանակցությունների ընթացքում», – գրել է Մակրոնը X-ի իր էջում, բրիտանական կառավարության ղեկավարի հետ զրույցից հետո,- «Առևտրային պատերազմը ոչ մի կողմի շահերին չի համապատասխանում»։
Նրա խոսքերով, քննարկվել է նաև Ուկրաինային աջակցության հարցը։
«Մենք շարունակում ենք մտածել ուկրաինացիներին երկարաժամկետ օգնություն ցուցաբերելու մասին։ Նախևառաջ մենք պատրաստ ենք աջակցել ուկրաինական բանակին, որը կմնա պաշտպանության առաջնագծում»։
Բացի այդ, Ֆրանսիայի նախագահը հայտնել է, որ Սթարմերի հետ զրույցում քննարկվել է նաև «զսպող ստորաբաժանման ձևավորման հնարավորությունը, որը կտեղակայվի շփման գծից հեռու»։