Խստացում` Ռուսաստանում գտնվող վարորոդների համար
ՌԴ-ում այլևս ոչ ոք չի կարող վարորդ աշխատել՝ չունենալով ՌԴ վարորդական իրավունք: Այս մասին «Արմենպրես»-ի մամուլի սրահում հրավիրված ասուլիսում հայտնել է «Հայկական Կարիտաս» կազմակերպության միգրացիոն ծրագրի փորձագետ Տաթևիկ Բեժանյանը:
Նրա խոսքով՝ բնակության իրավունք ունեցող օտարերկրացիները նախկինում կարող էին առանց քննություն հանձնելու իրենց ազգային վարորդական իրավունքները ՌԴ վարորդական իրավունքներով փոխել։
«Ապրիլի մեկից այս կարգն այլևս չի գործում, և անկախ նրանից՝ ունեն կացության կարգավիճակ, ունեն բնակության իրավունք, հանդիսանում են երկքաղաքացի, որպեսզի ձեռք բերեն ՌԴ վարորդական իրավունք, պետք է քննություն հանձնեն»,- նշում է Բեժանյանը։
Փորձագետն ընդգծում է, որ փոփոխությունը վերաբերում է նրանց, ովքեր պետք է աշխատեն որպես վարորդ, ուղևորափոխադրում ու բեռնափոխադրում իրականացնեն։
