ՔՊ–ն շոկի մեջ է. «Հրապարակ»
Գյումրու և Փարաքարի ընտրությունների արդյունքներից ՔՊ-ում շոկի մեջ են: ՔՊ վերնախավը մինչև լուսաբաց արթուն է եղել, ոմանք՝ Սարիկ Մինասյանի շտաբում, մյուսները` Երևանում: Փորձել են հասկանալ, թե ինչու այդպես ստացվեց։ Չնայած վերևից հրահանգել են պարտությունը ներկայացնել իբրև ազատ-արդար ընտրությունների արդյունք, իբր իրենք նախկինների պես չեն կեղծել ընտրությունները: Այս մասին գրում է «Հրապարակ» օրաթերթը:
«Սակայն ՔՊ-ն Գյումրիում ակնկալել է, որ 50+1-ի կձգի, քանի որ դասական հայկական ընտրություն էին կազմակերպել՝ հոսանքազրկումներով, բանակին ուղղորդելով, վարչական լծակների կիրառմամբ։ Վերջին ամիսներին իշխանությունն այնքան էներգիա և ռեսուրս էր ծախսել Գյումրիում` հավաքագրել էին հանրապետության ողջ տարածքում բնակվող գյումրեցիներին, գյումրեցիների հարազատներին, շատերին այլ տեղերից բերել ընտրության։ Անգամ Ջավախքից 15-20 ավտոբուս մարդ էր բերվել՝ ընտրությանը մասնակցելու նպատակով։ Նաև իշխանության այս աննախադեպ ակտիվությամբ էր պայմանավորված այն, որ գրեթե կրկնակի շատ ընտրող է մասնակցել 2021-ի ՏԻՄ ընտրությունների համեմատ:
Եթե 21-ին մոտ 26 հազար էր մասնակցել, և անցողիկ շեմը 1400 ձայնն էր, այս անգամ ամենաքիչ ձայներ ստացած «Մայր Հայաստանը» հավաքել է 2 հազար 800 ձայն՝ 6 տոկոսի շեմը հաղթահարելու համար»,– գրում է օրաթերթը։
