Ծեծկռտուք՝ Հ1-ի եթերից հետո. գործը դատարանում է
Քաղաքագետներ Սուրեն Սահակյանի և Արեգ Քոչինյանի մասնակցությամբ միջադեպի վերաբերյալ քրեական գործի նախաքննությունն ավարտվել է, և այն ուղարկվել է դատարան։
Մեղադրական եզրակացության համաձայն՝ 2024 թվականի փետրվարի 23-ին, Հ1 հեռուստաընկերության «Տարբեր կարծիքներ Տաթև Դանիելյանի հետ» հաղորդման ավարտից հետո, Սահակյանը և Քոչինյանը դուրս են եկել հեռուստաընկերության վարչական շենքից և բակային տարածքում վիճաբանության ընթացքում միմյանց դիտավորյալ հարվածներ են հասցրել։ Դրա արդյունքում Սուրեն Սահակյանին պատճառվել է թեթև մարմնական վնասվածք։
Հաղորդման ընթացքում կողմերը քննարկել են Հայաստանի արտաքին քաղաքականության դիվերսիֆիկացման հնարավոր ուղիները։
