Ուկրաինան HIMARS հրթիռակոծությամբ ոչնչացրել է Սուջայի գազի չափման կայանը
Ուկրաինան HIMARS հրթիռակոծությամբ փաստացիորեն ոչնչացրել է Սուջայի գազի չափման կայանը: Այս մասին հայտնում են ՌԴ պաշտպանության նախարարությունից։
«Վերջին 24 ժամվա ընթացքում Կիևի ռեժիմը շարունակել է հարձակումները ռուսական էներգետիկ ենթակառուցվածքների վրա՝ օգտագործելով տարբեր տեսակի անօդաչու թռչող սարքեր, ինչպես նաև HIMARS բազմակի արձակման հրթիռային համակարգը», - ասվում է հայտարարության մեջ։
«Մարտի 28-ին, ժամը 10:20-ի սահմաններում, Կիևի ռեժիմը, ըստ նախնական տեղեկությունների, HIMARS հրթիռների կիրառմամբ կրկնակի հարձակում է ձեռնարկել Սուջայի գազի հաշվառման կայանի վրա, ինչի հետևանքով խոշոր հրդեհ է բռնկվել, իսկ էներգետիկ օբյեկտը փաստացի ավերվել է»,- նշել է ՌԴ ՊՆ-ն։
