Դուք լավը չեք, այլ շատ վատն եք․ Աղազարյանը՝ Գաբրիելյանին
Դուք ուղղախոս մարդ եք, կարող եք ասել այս խոսքերը, որը արվել է ամիսներ առաջ, ում խոսքերն են, «Մենք աշխարհի ամենալավ կուսակցությունն ենք»։ Այս հարցը Ազգային ժողովում՝ նիստի ժամանակ, պատգամավոր Հովիկ Աղազարյանին ուղղեց «Քաղաքացիական կուսակցության» պատգամավոր Սիսիակ Գաբրիելյանը։
«Այո, դա իմ խոսքերն են, չեմ հրաժարվում, սակայն այն բանից հետո, երբ դուք ինձ հեռացրիք կուսակցությունից, դուք լավը չեք, այլ շատ վատն եք»,-ասաց նա։
Պատգամավոր Սիսակ Գաբրիելյանը ևս մեկ հարց ուղղեց՝ ասելով, որ եթե ունենք լավ իշխանություն, որը ընտրել եք, ինչու կողմ չեք քվեարկում, որպեսզի գործը շարունակեն քննել։
«Պարոն Աղազարյան նշել էիք, որ Նիկոլ Փաշինյանը պետք է հավերժ կառավարի, եթե մենք ունենք լավ իշխանություն, Ձեր ընտրած դատախազն է, դատավորը, երբ ամենալավ իշխանության օրոք Դուք քվեարկել եք, հիմա ինչ խնդիր ունեք»,- հարցրեց Գաբրիելյանը։
Ի պատասխան Սիսակ Գաբրիելյանի հարցին Հովիկ Աղազարյանը պատասխանեց․
«Խնդիր ունեմ այն փաստի հետ, որ ես ճանաչել եմ Նիկոլ Փաշինյան, ով ուներ լսելու ունակություն, իսկ հիմա ծնվել է Նիկոլ Փաշինյան՝ ավտորիտար ղեկավարը, իսկ մեր երկրի համար ավտորիտարությունը կործանարար է»։
