Դժվար է, բայց գրեթե հասանք նախորդ տարվա. Պապոյանն` արտահանման ծավալների մասին

Դժվար է, բայց գրեթե հասանք նախորդ տարվա արտահանման ծավալին։ Այդ մասին ասված է էկոնոմիկայի նախարար Գևորգ Պապոյանի Ֆեյսբուքի էջում:

«Այսպես.

2026 թվականի հունվար-հուլիսին ագրոպարենային ապրանքների արտահանման ծավալը կազմել է 849 մլն ԱՄՆ դոլար, ինչը 2025 թվականի հունվար-հուլիսի համեմատ (865 մլն ԱՄՆ դոլար) քիչ է ընդամենը 1․9 %-ով։

Շարունակում ենք փնտրել նոր շուկաներ»,- գրել է նա։

Հիշեցնենք` ԵՄ Խորհուրդն այսօր համաձայնություն է տվել հայկական ապրանքների առևտրի ժամանակավոր ազատականացման միջոցներին, որոնք նպատակ ունեն աջակցել Հայաստանի տնտեսությանը Ռուսաստանի կողմից վերջերս կիրառված առևտրային սահմանափակումներից հետո:  Այս քայլերի արդյունքում կազատականացվի դեպի ԵՄ հայկական արտահանման շուրջ 80%-ը: