Դուք պետություն եք կառուցում ուրիշի տարածքում․ Զախարովա
Կիևի ռեժիմը հետևողականորեն քայլեր է ձեռնարկում ռուս ժողովրդի ինքնությունը ջնջելու՝ նրանց լեզուն, մշակույթը, պատմությունը, կրոնը մոռանալու համար։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրել է «Ռիա Նովոստի»-ն։
«Խոսենք փաստաթղթից, ինչպես երևում է բացատրական նոտայից, դրա մշակողները մտահոգված են, որ արտադպրոցական ժամերին ուսումնական հաստատություններում շփումը տեղի է ունենում, ինչպես իրենք են մեզ անվանում, ագրեսոր երկրի լեզվով՝ ռուսերենով։ Ըստ ուկրաինական կողմի՝ դա սպառնում է պետության անվտանգությանը։ Ինչ է այս պետությունը ներկայացնում իրենից, եթե ձեզ խանգարում են հուշարձանները, քաղաքների, փողոցների անունները, այն լեզուն, որով խոսում են ձեր շրջապատի մարդիկ, դուք ակնհայտորեն պետություն եք կառուցում ուրիշի տարածքում: Թվարկածներս լիովին վերաբերում է Կիևի ռեժիմին»,- ասել է դիվնագետը։
Զախարովան հավելել է, որ Ուկրաինայի իշխանութունները՝ արևմտյան գրանտների հաշվին ապրող, որոշել են ամեն ինչ ոչնչացնել։
«Նրանք ոչնչացնում են սեփական քաղաքացիներին, արգելում նրանց խոսել մայրենի լեզվով, աղոթել հարազատ եկեղեցում և հարգել նախնիների հիշատակը, այլ կերպ, քան օկուպացիոն անվանել չի կարելի այս ամենը»,- նշել է Զախարովան։
