Մենք չենք կարող նստել և սպասել գործարքի. Սթարմեր
Մեծ Բրիտանիայի վարչապետ Քիր Սթարմերը եվրոպական երկրներին կոչ է արել նախօրոք ծրագիր մշակել՝ Մոսկվայի ու Կիևի միջև խաղաղության համաձայնագրի դեպքում անվտանգության ապահովման և Ռուսաստանին զսպելու համար։
«Մենք չենք կարող նստել և սպասել գործարքի, և երբ դա տեղի ունենա, պայմանավորվենք և գլուխներս քորենք», – ասել է նա The New York Times- ին տված հարցազրույցում։
Սթարմերի խոսքով՝ անվտանգության հուսալի երաշխիքների բացակայությունը Կիևին անպաշտպան կթողնի, և Եվրոպան պետք է առաջատար դեր խաղա այդ երաշխիքների տրամադրման գործում։
Նա նաև բարձր է գնահատել ԱՄՆ նախագահ Դոնալդ Թրամփի խաղաղ կարգավորման նախաձեռնությունները։
