Իրանը չի կարող վերադառնալ համաձայնագրի պայմաններին. Արաղչի
Գործողությունների համատեղ համապարփակ ծրագիրը (ԳՀՀԾ), որը հայտնի է նաև որպես միջուկային գործարք, չի կարող վերագործարկվել ներկայիս տեսքով։ Այս մասին հայտարարել է Իրանի արտաքին գործերի նախարար Աբբաս Արաղչին իրանական Khabar-e Online-ին տված հարցազրույցում:
Նրա խոսքով՝ Իրանը չի կարող վերադառնալ համաձայնագրի պայմաններին, քանի որ երկիրն այդ պայմանագրի կնքումից ի վեր միջուկային ոլորտում զգալի առաջընթաց է գրանցել:
«ԳՀՀԾ-ն իր ներկայիս տեսքով և ձևով մեզ համար կենսունակ չէ։ Մեր վիճակը էապես փոխվել է, և մենք չենք կարող վերադառնալ նախկին պայմաններին»,- ասել է Արաղչին։
