Մանրամասներ՝ Փաշինյանի և Կոբախիձեի հանդիպումից
Այսօր Թբիլիսիում տեղի է ունեցել Հայաստանի և Վրաստանի վարչապետներ՝ Նիկոլ Փաշինյանի և Իրակլի Կոբախիձեի առանձնազրույցը: Այս մասին տեղեկացրել է ՀՀ վարչապետի աշխատակազմը:
Զրուցակիցները քննարկել են Հայաստան-Վրաստան ռազմավարական հարաբերություններին վերաբերող հարցեր: Մտքեր են փոխանակվել տարածաշրջանային նշանակության այլ թեմաների շուրջ:
Այսօր երեկոյան Նիկոլ Փաշինյանը և Իրակլի Կոբախիձեն կհետևեն Հայաստանի և Վրաստանի ֆուտբոլի ազգային հավաքականների պատասխան հանդիպմանը:
Հիշեցնենք, որ վարչապետները ներկա էին նաև Երևանում կայացած հավաքականների նախորդ հանդիպմանը մարտի 20-ին։
