Շատ լավ եմ ճանաչում Պուտինին. Թրամփ
ԱՄՆ նախագահ Դոնալդ Թրամփը Ռուսաստանի առաջնորդ Վլադիմիր Պուտինի հետ իր շփումը որակել է որպես «ռացիոնալ»։ Այս մասին նա խոսել է OutKick պորտալին տված հարցազրույցում
«Մենք մի քանի շատ ռացիոնալ քննարկումներ ենք ունեցել, և ես պարզապես ցանկանում եմ, որ մարդիկ դադարեն զոհվել»,- ասել է Թրամփը:
ԱՄՆ նախագահը հավելել է, որ շատ լավ է ճանաչում Պուտինին և գոհունակություն է հայտնել, որ երկու կողմերի հարաբերությունները չեն վատթարացել 2016 թվականի մեղադրանքների պատճառով, թե Ռուսաստանը ենթադրաբար միջամտել է ԱՄՆ նախագահական ընտրություններին։
