Թուրքական լիրան դոլարի նկատմամբ հասել է ռեկորդային նվազագույնի
Թուրքական լիրայի փոխարժեքը ԱՄՆ դոլարի նկատմամբ նվազել է ավելի քան 11%-ով՝ հասնելով ռեկորդային նվազագույնի։ Այս ամենը տեղի է ունենում Ստամբուլի ընդդիմադիր քաղաքապետ Էքրեմ Իմամօղլուի ձերբակալության հետ կապված իրավիճակի ֆոնին, որի դեմ կոռուպցիայի և ահաբեկչությանն աջակցելու մեղադրանքներ են առաջադրվել, գրել է Bloomberg-ը։
Նշենք նաև, որ մեկ դոլարը վաճառվել է 41,1 լիրայով։ Borsa Istanbul 100 ֆոնդային ինդեքսն էլ ընկել է 6,9%-ով, ինչի պատճառով բաժնետոմսերի առևտուրը դադարեցվել է:
Հավելենք, որ կիրակի նախատեսվում էր հակակոռուպցիոն հետաքննության շրջանակում ձերբակալված Իմամօղլուին որպես նախագահի թեկնածու առաջադրել Թուրքիայի Ժողովրդահանրապետական կուսակցությունից։
