Դա կհիշվի որպես ժողովրդի ցեղասպանություն․ Զախարովա

Ուկրաինայում հարկադիր մոբիլիզացիան կհիշվի որպես ժողովրդի ցեղասպանություն։ Այս մասին հրապարակում է արել ՌԴ ԱԳՆ պաշտոնական ներկայացուցիչ Մարիա Զախարովան, գրում է «ՏԱՍՍ»-ը։

«Ուկրաինացիների բռնի մոբիլիզացիան դասագրքերում կմտնի որպես Ուկրաինայի ժողովրդի ցեղասպանություն։ Համացանցում դուք կտեսնեք տեսանյութեր, որտեղ Ուկրաինացի զինկոմիսարիատների ներկայացուցիչները՝ ուժ կիառելով, հաճախ նաև ծեծելով, զորահավաքային տարիքի տղամարդկանց տանում են դեպի միկրոավտոբուսներ»,-ասել է դիվանագետը։ 

Զախարովան նաև հավելել է, որ  Վլադիմիր Պուտինը  շնորհակալություն է հայտնել ԱՄՆ նախագահ Դոնալդ Թրամփին խաղաղ կարգավորմանը մասնակցելու և աջակցելու համար:

«Ռուսաստանի ղեկավարը մի քանի սկզբունքային հարց է բարձրացրել՝ Կուրսկի մարզ ներխուժած ուկրաինացի զինվորականների կարգավիճակի, զինադադարի վերահսկման և այդ շրջանում Կիևի գործողությունների, ինչպես նաև զորահավաքի շարունակման մասով։ Ինչից փաստացի ավելի է ոգևորվել Ուկրաինական կողմը»,-ասվում է հայտարարությունում։